Калифорниа мужид түрүү жил нэгэн шинэ торгууль нэмэгдсэн. Хэрвээ та машиндаа хүүхэдтэйгээ хамт явж байж машин дотроо тамхи татаж яваад баригдсан тохиолдолд 100$ хүртлэх торгуулийг төлнө. Ингэснээрээ Калифорниа муж хүүхдүүдийг тамхины хороос хамгаалж байгаа гуравдагч муж болох юм.

Хэрэв 18-наас доош насны хүүхэдтэй явж байж тамхи татсан зөрчил гаргасан тохиолдолд торгох хуулийн төсөлд мужийн захирагч Arnold Schwarzenegger гарын үсэг зурсан. Гэхдээ энэхүү зөрчлөөр зогсоохын тулд заавал хурд хэтрүүлсэн, буруу эргэсэн зэрэг бусад зөрчлийг гаргасан тохиолдолд л давхар торгож болох юм байна.


Harvard School of Public Health өнгөрсөн жилийн мэдээндээ тамхиа машин дотор татах нь гэртээ татсанаас бусдыг хордуулах хор нь 10 дахин хүчтэй гэдгийг дурджээ.

Хуулийн төслийг анх санаачилсан сенатор Jenny Oropeza, Ардчилсан намынх, ''Хүүхдүүдийнхээ эрүүл мэндийг хамгаалах засгийн газрын өндөр хариуцлагуудын нэг байх ёстой'' гэж хэлсэн байна. 20 гаруй мужууд энэ талаар анхаарч үзэж эхлээд байгаа бөгөөд Арканзас муж 6-аас доош насны хүүхэдтэй, Луйзиана муж 13 наснаас доош хүүхэдтэй явж байж машиндаа тамхи татахыг тус тус хориглоод байгаа юм байна.