Дархан манай тусгаар улс
Даяар Монголын ариун голомт
Далай их дээдсийн гэгээн үйлс
Дандаа энхжиж үүрд мөнхжинө
...Сургуулийн танхимд байрлах Монголын төрийн далбааны өмнө гараа цээжиндээ авсан хүүхдүүд багшийнхаа удирдлагаар  ямар их хүндэтгэл, бахархалтайгаар Moнголын төрийн дууллыг дуулсан гээч.  Америкийн төв хэсэгт сүрлэг уулсын дунд орших, залуухан цэмцгэр Денвер хотын монгол сургуулийн хичээл эхэлж буй нь энэ.  Өдгөө Америкт төдийгүй гадаадын олон орны, монголчууд олноор суурьшсан хотуудад монгол сургуулиуд байгуулагдан үйл ажиллагаагаа явуулдаг болсоор багагүй хугацааг үдэж буй.

 

 

 

Америкийн уугуул хүмүүс  олон мянган жилийн өмнө төв Ази, магадгүй манай нутгаас нүүдэллэн ирсэн гэдэг.   Харин 1850 онд гаргасан Лос Анжелесийн албан ёсны хүн амын тоонд хоёр  Хятад  бүртгэгдсэн нь  Ази  гаралтай хүмүүсийн  анхных нь бололтой.  1890-ээд оноос  Япончууд, 1900-гаад оны эхнээс Солонгосчууд, өнгөрсөн зууны  эхэн, дунд хагаст дайн байлдаан бусад янз бүрийн шалтгаанаар Вьетнам, Филлипини, Энэтхэг, Иран гээд Азийн тивийн  олон үндэстэн   ирж суурьшин амьдарч, хот доторхи хот болон төвхнөжээ.

Монголчууд 1990-ээд оны  хувьсгалын галнаас  ассан эрх чөлөөний  цучил барин зүг бүрт одсоны нэгэн хэсэг нь Номхон далайн эргийн дулаан нутаг Лос Анжелест хөл тавьсан байна.  Бидний сураглаж мэдсэнээр 1994 онд Монгол  залуу  суралцахаар ирсэн бол  1995, 1996 оны үед  Дорж, Амраа,Даваа, Батбаяр, Баасансүрэн, Нямсүрэн нар  анхлан  суурьшин амьдарч  эхэлжээ.  Дорж гуай тухайн үедээ “Монгол хүнтэй тааралдах мөрөөс болон хотын захиргаан дээр очиж асууж хүртэл явсан” гэнэ.

 

 

Гэрэл зургийг Д.Хундага (асуулт.нэт)

 

Лос Анжелесын Монгол Оюутны Холбооноос зохион байгуулсан Надад хэлэх ҮГ байна буюу Америк дахь Монгол Оюутны өдөрлөг 2011 оны дөрвөн сарын 23-нд Лос Анжелес хотод амжилттай болж өнгөрлөө. Лос Анжелес, Чикаго, Индиана, Сан Франциско, Сан Диего, Станфорд, Дэнвэр зэрэг хотуудаас оюутнууд ирж оролцож, өөрсдийн санаа бодлоо бусдадаа хүргэж, илтгэл тавихын хажуугаар хоорондоо танилцаж өнгөрөөлөө.

 

 

 

Аламеда хотын ENCINAL high school сургуулийн спорт зааланд өнгөрсөн Ням гарагт Дашаа доожо дэвжээний нээлттэй тэмцээн амжилттай болж өнгөрлөө. Тэмцээнд зохион байгуулагч дэвжээнээс гадна Сан Франциско хотын Navaro kickboxing, Брентвууд хотын Kiokushin karate, Бёркли хотын Ralph Gracie kickboxing, мөн алс холын Диксон хотоос Ryukyukan karate клубийн 33 тулаанчид ирж 8 жинд өрсөлдөв. Ингээд байр эзэлсэн байдлыг танилцуулая.

 

 

 

 

 

 

АНУ-д ажиллаж амьдарч байгаа Монголчуудын  дунд урлаг спорт, соёлын олон арга хэмжээ зохиогддог билээ. Түүний нэг  Америкийн Монголчуудын Ширээний теннисний 4 дэх удаагийн тэмцээн   Чикаго хотноо  өнгөрөгч амралтын өдрүүдэд  болов.   
 
Энэ спортод дурлан  тоглож, тоглолтоосоо таашаал авч, спортоо хайрлан  хүндэтгэдэг, сонирхон дэмждэг  60 гаруй Монгол тамирчид Чикаго,  Лос Анжелес, Сан франциско,  Сакраменто, Денвер, Сэинт Люис,  нийслэл Вашингтон,  Солт лэк хот  гээд газар газраас  хүрэлцэн ирсэн аж.  Эдний  дотор  Монгол Улсын спортын мастер, өндөр зэрэгтэй  14 тамирчин  оролцсон нь тэмцээний чанар чансааг илтгэж байна.  Тэмцээнд оролцогсод   сонирхогчдын (эрэгтэй,эмэгтэй),  багийн болон  холимог хос тоглолт,  спортын өндөр зэрэгтэй тамирчдын тоглолт гэсэн хэсэгт хуваагдан  өрсөлдөж аваргаа тодруулсан юм.

 

 

 

 

Г.Галбадрах -Өөрийгөө товч танилцуулаач.
З.Энхмөнх -Намайг Зургаанжингийн Энхмөнх гэдэг. Улаанбаатар хотод төрсөн.

Г.Галбадрах -Хаана ямар сургуулиудад суралцаж төгссөн бэ?
З.Энхмөнх -Улаанбаатар хотын лаборатори 1-р сургуульд 6 настайдаа элсэж, 5-р ангиасаа математикийн гүнзгийрүүлсэн сургалттай ангид орж суралцаад төгссөн. 10-р ангиа төгсөөд 2002 онд Их Британи Улсын Дэлхийн Нэгдсэн Коллежид 2 жил суралцлаа. Дэлхийн Нэгдсэн Коллеж нь АНУ, Сингапур, Хонг-Конг, Энэтхэг, Их Британи гэх мэтийн 13 оронд байдаг. Энд дэлхийн олон орноос шалгарсан сурагчид  хоорондоо танилцан нөхөрлөж, хамтдаа суралцдаг юм.

 

 
3 сарын 20-нд Калифорни мужийн Өрвани хотод болсон Өсвөр үеийн шатарчдын  Мужийн аварга шалгаруулах тэмцээнд Монгол сургуулийн баг тамирчид амжилттай оролцлоо.
 
К-1 насны ангилалд:
1-р байр цом- Пүрэвчулууний Түшиг  (rating under 200)
1-р байр цом- Энхболдийн Билгүүдэй (rating under 400)