Бич
16
2014
АСУУЛТ - ХАРИУЛТ: ХҮҮХДИЙН ААВ ЭЭЖ НАРТ ЭНД БАЙНГА ОРШИН СУУХ ЭРХ ӨГӨХГҮЙ Хэвлэ Имэйл
(1 үнэлгээ)
Бичсэн: Administrator   
2007-12-28, Баасан

Асуулт: Ямар нэгэн байгууллагад ажиллахаар өргөдөл гаргахад зарим тохиолдолд баригдаж, шийтгүүлж байсан уу гэсэн хүснэгт тааралдах юм. Түүнд замын хөдөлгөөний дүрэм зөрчин, шийтгүүлж байсныг бичихгүй байж болох уу?

 

Хариулт: Болно. Учир нь замын хөдөлгөөний дүрэм зөрчиж, торгууль, тикет авахад гар, хурууны хээг буулгаж авдаггүй. Нөгөө талаар замын хөдөлгөөний дүрмийг хэн ч зөрчдөг учир, тийм зөрчил гаргасан хүнийг айхтар гэмт хэрэгтэнд тооцоод байхгүй л болов уу. Харин таны гар хурууны хээг буулгаж авсан тохиолдолд түүнээ маягтад бичихээс өөр аргагүй болно.

 

ХҮҮХДИЙН ААВ ЭЭЖ НАРТ ЭНД БАЙНГА ОРШИН СУУХ ЭРХ ӨГӨХГҮЙ
Асуулт:
Бид гэр бүлээрээ АНУ-д ирээд хоёр жил гаруй болж энэ хугацаанд хүүтэй боллоо.  Одоо хүү маань АНУ-ын иргэний харьяалал авах уу? Хэрвээ хүү маань АНУ-ын иргэний харьяалал авах бол бид энд байнга үлдэж болох боломж бий юу? Бидний виза  харласан.

Хариулт: Хүүхэд тань АНУ- төрсөн учир эндэхийн хуулиар шууд иргэн нь болох учиртай. Гэхдээ иргэн болох эсэх асуудлыг 18 нас хүрэхээр өөрийнх нь саналаар шийдвэрлэдэг. Харин хүүгийн аав, ээж  нарт хүүгээ энд төрүүлсэн гээд энд байнга оршин суух эрх олдохгүй. Зөвхөн хүү чинь 21 нас хүрсэн хойно, АНУ-ын иргэнийхээ харьяаллыг авсаны дараагаар аав, ээжийгээ цагаачлалын асуудлаар буюу байнга оршин суух эрх авахад ивээн тэтгэх замаар нөлөөлж болох талтай юм байна. Гэхдээ тэр үед та бүхний цагаачлалын асуудал чинь АНУ-д хууль ёсоор оршин амьдарч байж уу, үгүй гэдгээс мөн шалгаална. Одоо хүүгийн аав, ээж хоёрын виза нь харласан, АНУ-д хууль бусаар амьдарч байгаа чинь хожим хүүгээрээ ивээн тэтгүүлээд байнгын оршин суугч болоход чинь ихээхэн хүндрэл учруулж мэдэх юм. Гэхдээ нь энэ огт боломжгүй гэсэн үг биш. 

НЭМЭЛТ: АНУ-ийн иргэн хүүхэд 21 нас хүрээд өөрийн эцэг, эх, ах, эгч, дүүдээ байнгийн оршин суугчийн эрх авч өгөх бурэн боломжтой. Гэхдээ өөрийн эцэг эхийг хамгийн ойр дотний хумуус гэдэг утгаараа байнгийн оршин суугчийн эрхийг дунджаар 1 жилийн дотор авч өгөх боломжтой бөгөөд АНУ-ийн иргэн хуний хамгийн ойр дотний хун болох эцэг эх, эсвэл эхнэр нөхрийг харласан ч гэсэн уучлал үзүүлж саадгүй байнгийн оршин суугчийн эрх олгодог. Харин харласан хумуус нь АНУ-д анх орж ирэхдээ хууль ёсоор хилээр шалгуулж паспортон дээрээ тамга даруулсан байх шаардлагатай.

Ах эгч дуудээ байнгийн оршин суугч авч өгөхөд нэлээд удаан хугацаар хулээдэг. Өнөөдрийн байдлаар төрсөн орнооосоо хамаараад дундажаар 8-15 жил хулээж байна. Харин эцэг эх эхнэр нөхөр бол 1 жил орчим л хулээх юм байна.

 

ПАСПОРТЫН ХУГАЦАА ДУУССАН БОЛ....
Асуулт:
Би АНУ-ын иргэнтэй гэрлэж, Ногоон карт авсан. Тэгээд Монгол руугаа очиж, ар гэрээ эргэх гэтэл миний паспортын хугацаа дуусчээ. Яах вэ?

Хариулт: Та маш яаралтай Вашингтон хот дахь Монгол Улсынхаа ЭСЯ-ны Консулын хэлтэст ханд. Хэрвээ таны паспорт зургийг нь наадаг хуучин паспорт бол 2003 оноос Монгол Улсын иргэний гадаад паспорт шинэчлэгдсэн ба тэрхүү шинэчэгдсэн паспортыг АНУ дахь Монголчууд Консулынхаа хэлтсээр  дамжуулан авч байгаа. Хуучин паспортууд бүгд хүчингүй болсон. Хэрвээ та шинэчлэгдсэн паспорттой бол сунгахад:

1. Паспорт
2.Паспортын хугацаа сунгахыг хvссэн єргєдєл. Єргєдлийг монгол хэлээр бичиж, оршин суугаа хаяг, холбоо барих утасны дугаар тодорхой заасан байх шаардлагатай.
3. Консулын vйлчилгээний тєлбєр: 20.00 ам.долларын Money Order
4. Тєлбєрийг хийж хаягласан баталгаатай буцах дугтуй

Паспортыг нэг жилийн хугацаагаар сунгах ба шаардлагатай бичиг баримтыг бvрэн ирvvлсэн тохиолдолд ажлын 1 хоногт багтаан сунгана.

ЭСЯ-ны вэб хуудсанд орж бусад хэрэгтэй мэдээллийг авч болно.

ЭСЯ–ны Консулын хэлтсийн хаяг:
Embassy of Mongolia
Consular division
2833 M Street NW
Washington DC 20007

Утас: (202)-333-7117 ext. 107 & 108 (мэдээлэл, магадлагаа)
Факс: (202)-298-9227
E-Майл: Энэ имэйл хаяг нь spam bot-оос хамгаалагдсан бөгөөд үзэхийн тулд Javascript-ийг зөвшөөрөх хэрэгтэй

Иргэд хvлээн авах хуваарь нь
Даваа-Баасан 09:00-13:00 14 :00-17:00 /Вашингтоны цагаар/

 

Даяар Монгол сониноос

2007 оны 02 сарын 28




Сэтгэгдэл (1)
1. Бичсэн Наги - 2012-10-27 23:36 - Зочин
 
 
Сайн байна уу. Би Канад залуутай Монголд гэрлэж байгаа юм ,би 10 настай 1 настай 1 охинтой .Охиноо абаад Канадад нохортойгоо амидрахад охин бид 2т амидрах эрх абах асуудал хир нааштай хурдан шийдэгдэх бол .
 

Сэтгэгдэл Бичих
Нэр:
BBCode:Web AddressEmail AddressBold TextItalic TextUnderlined TextQuoteCodeOpen ListList ItemClose List
Сэтгэгдэл:



Түлхүүр:* Өнөөдөр Хэд дүгээр Сар Вэ?

Шинэчлэгдсэн огноо ( 2008-12-02, Мягмар )
 
< өмнөх   дараах >