|
“Youtube”-ээр сенсаци тарьсан авьяастанг Опра Уинфри шоундаа урьжээ. Шоуны бичлэгээс. |
|
|
|
Бичсэн: Administrator
|
|
2009-04-20, Даваа |
|
Шотландын хүмүүнлэгийн нийгэмлэгийн ажилтан эмэгтэй Британийн авьяастан шалгаруулах шоунд оролцож, түүний бичлэг интернэтээр жинхэнэ шуугиан тарьж чадсан учир дэлхийн хамгийн алдартай ток шоуны хөтлөгч Опра Уинфри түүнийг шоундаа урьсан талаар албаны хүмүүс мэдэгджээ. Опрагийн шоуны хэвлэлийн төлөөлөгчийн ярьснаар өдгөө 47 настай Сюсан Бойл гэгч нь Опрагийн анхаарлыг татаж, улмаар зочны хувиар уригдсан байна.
Харин яг хэдийд Опрагийн ток шоунд оролцож, телевизийн эфирээр хэзээ цацагдах талаар дэлгэрэнгүй мэдээлэл өгөөгүй байна. Ням гаригийн байдлаар “Авьяаслаг британичууд” шоуны эхний шатны шалгаруулалтад оролцож буй Сюсан Бойлын бичлэгийг “Youtube” сайтаар 30 сая гаруй хэрэглэгч үзэж сонирхсон бөгөөд энэ тоо хурдацтайгаар өсч байгаа гэнэ. Түүний бичлэгийг үзсэн алдарт жүжигчин Деми Мур нулимс унагасан гэдгээ нуугаагүй бөгөөд Сюсан Бойлыг дэлхий дахинаа хүлээн зөвшөөрч, Британи төдийгүй АНУ, Австралийн телевиз, хэвлэл мэдээллийн байгууллагууд ярилцлага авч, нэвтрүүлэгтээ урихаар дараалал үүсгээд байгаа гэнэ. Түүний бичлэг ердөө 10-хан хоногийн өдөр 30 сая гаруй үзэгчдийг байлдан дагуулж чадсан юм. Сюсан Бойл анх тайзан дээр гарч ирээд дуулж эхэлмэгц шоуны гурван шүүгч алмайрч, Глазго хотын үзэгчид түүнийг тун эелдгээр хүлээн авсан байна. Тэрбээр алдарт “Les Miserables” мюзиклийн “I Dreamed A Dream” гэх дуу дуулжээ. Шоуны бичлэгээс нь:
|
|
Шинэчлэгдсэн огноо ( 2009-09-09, Лхагва )
|
