| “Алтан ураг” хамтлагийн хоёр гишүүн Москвад гахайн ханиадны сэжгээр эмнэлэгт хэвтжээ |
|
|
| Бичсэн: Administrator | ||||
| 2009-05-06, Лхагва | ||||
 Гахайн ханиадны голомт болоод байгаа Мексик улсад хөл хорионд ороод байсан Монголын язгуур урлагийн “Алтан ураг” хамтлаг өнөөдөр үүрээр Улаанбаатарт газардсан. “Аэрофлот”-ын Москва-Улаанбаатарын чиглэлийн онгоцоор тэд ирцгээсэн бөгөөд ирсэн даруйд нь ХӨСҮТ-д тусгаарлаад байгаа тухай Онцгой байдлын ерөнхий газраас мэдээллээ. Энэ онгоцоор экипажийн зургаан гишүүнтэй нийлээд 109 хүн ирсэн бөгөөд 66 нь монгол, бусад нь гадаад иргэн юм байна. Онгоцоор ирсэн бүх хүнийг ХӨСҮТ-д тусгаарлаад байна. ХӨСҮТ-д нийтдээ 110 хүний ортой тусгай бэлдээд байсан юм.Харин “Алтан ураг” хамтлагийн хоёр эмэгтэй гишүүн урд шөнө ОХУ-ын Москва хотын Шереметьево онгоцны буудалд бие нь халуурсан шинж тэмдэг илэрсэн учраас Москва хотын Халдвар өвчний нэгдүгээр эмнэлэгт тусгаарлан хэвтүүлсэн байна. “Алтан ураг” хамтлагийнхан дараа гаригийн оройн Мексикээс ОХУ-д онгоцоор ирсэн аж. ОХУ-д байгаа болон Улаанбаатарт тусгаарлаад байгаа хүмүүс гахайн ханиадны халдвар авсан эсэх нь одоогоор тогтоогдоогүй байна. Холбогдох шинжилгээг аваад байгаа бөгөөд эцсийн хариу гарахад долоо хоногийн хугацаа шаардлагатай гэж мэргэжилтэн хэллээ.
news.mn
|
||||
| Шинэчлэгдсэн огноо ( 2009-09-09, Лхагва ) | ||||
| < өмнөх | дараах > |
|---|