Өмнөд Солонгосын Өмнөд Жеола мужийн Гванжу хотноо өнгөрсөн лхагва гарагт Христийн сүмээс гарч явсан 47 настай эмэгтэйг хутгалан хороосон хэрэгт Пак нэртэй эрийг сэжиглэн баривчилжээ. Түүнийг мөн өнгөрсөн тавдугаар сарын 20-ны өдөр 47 настай эмч эмэгтэйг хороосон хэрэгт сэжиглэж байгаа аж.

 

Пак тавдугаар сарын 20-ны өдөр Христийн сүмийн ойролцоо цаг гаруй хэсүүчилж яваад хүмүүсийн хараанд өртжээ. Тэрээр урьд нь хоёр өөр ажилд тус тус нэг жил таван cap ажилласан бөгөөд үүнээс өмнө цэргийн алба хаасан аж. Пак Их сургуулиасаа хасагдсан бөгөөд такси барьж ажилласан боловч орхиж, улмаар ажилгүй байсан гэнэ.
 
Цагдаа нарын олж тогтоосноор тэрээр 2003 оноос сэтгэл гутралд автсан бөгөөд сүүлийн үед Христийн шашинтнуудын эсрэг өс хонзон тээж явдаг болжээ. Учир нь Пак зууч нарын тусламжтайгаар өнгөрсөн оны зургадугаар сард 25 настай монгол бүсгүйтэй гэрлэжээ. Гэвч гэрлэлт нь бүтэлгүйтэж, эхнэр нь энэ оны дөрөвдүгээр сард эцэг, эх рүүгээ оргосон байна. Тиймээс Пак эхнэрээ эргэж ирэхийг ятгахаар Монголд ирсэн боловч гэрийнхэн нь уулзуулаагүй аж. Эхнэрийн гэр бүлийнхэн Христийн шашинтнууд болохыг мэдсэнээс хойш Пак Христ шүтэгчдийг үзэн ядах болжээ. Ингээд тэрээр хутга худалдан авч, хотын газрын зураг ашиглан хүн багатай, ажиглалтын камергүй газруудыг судалж, товлосон аж. Хэргийн газарт байсан гэрч өнгөрсөн лхагва гарагт түүний машины дугаарыг самбаачлан харж, цагдаад мэдүүлснээр цагдаа нар түүнийг Нажу хот дахь гэрээс нь баривчилжээ.

	1. Бичсэн ha ha - 2009-07-20 14:59 - Зочин
	myysain emvvd yabj yabj hamgiin myytai niildeg teneg mongol hvvhenvvd yaj ooroo amid deerei nytag yabsan yum bol