Хэзээ, Хаана, Юу?
- “Лас Вегас-2012” Монголчуудын хөлбөмбөгийн тэмцээн' 2012-05-25 (08:00) - 2012-05-26 (23:59)
- Монголчуудын покерийн тэмцээн 05/25-нд Лас Вегаст 2012-05-25 (22:00 - 23:59)
- Бурхан багшийн Их Дүйчин өдөрт зориулсан үйл ажиллагаа 2012-05-27 (11:00 - 23:59)
- Монголын Динозавр Судлалын Хүрээлэнгээс сургалт, музейн аялал 2012-06-03 (09:00 - 23:59)
- Америкийн Монголчуудын сагсан бөмбөгийн аварга шалгаруулах 11 дэх удаагийн уламжлалт тэмцээн 2012-06-23 (09:00) - 2012-06-24 (23:59)
Инээхүү Дээр Шинээр
| Уилл Смит: Холливудын оддыг хараад яг тэдэн шиг хүн болно гэж хатуу шийдсэн |
|
|
| Бичсэн: Administrator | ||||
| 2009-08-02, Ням | ||||
 Дэлхийн шоу бизнесийн ертөнцөд өнгөт арьстай олон алдартнууд бий. Тэдний нэг бол дуучин, жүжигчин Уилл Смит. Тэрбээр Холливудын хамгийн их орлоготой жүжигчдийн нэгд тооцогддог. Уилл Смит өөрийн бага нас, эхийнхээ “АиФ” сонинд ярилцлага өгчээ. -Өө, бас л харуудын адил өнгөрсөн дөө. Манай сургуулийн хүүхдүүдийн ихэнх нь цагаан арьстан байлаа. Би харуудтай тоглохоос нэг их зовоод байдаггүй байсан. Манай сургуулийнхан дажгүй. Намайг дээрэлхэнэ гэж үгүй. Өнгөт арьстан болж төрсөндөө гутардаггүй. Алдартай болсон болохоор харин ч хүмүүс намайг их хүндлэх юм байна шүү дээ.
Багадаа ямар хүүхэд байв. Ээжийнхээ тухай яриач? -Нэлээд дүрсгүй хүүхэд байсан. Сургуульд сурах дургүй. Тэр ч бүү хэл, коллежид сурмааргүй байна гэж гэрийнхэндээ хүртэл хэлсэн удаатай. Тэд ингэж хэлэхээр их уурлана. Зодох шахна. Ээж маань “Чи л коллежид сурах хэрэгтэй” гэж учирлана. Коллежид сурахгүй бол өөдтэй амьдрахгүй гэж мөн ч их үглэсэн дээ. -Тэгээд яасан. Үгэнд нь оров уу? -Үгүй дээ. Аав маань надад харин ч гайгүй ханддаг байлаа. Тэгээд түүнтэй нэг хачин тохиролцоо хийж билээ. Тэр нь бүтэн жилийн турш дуу дуулж, хөгжим тоглоё. Хэрэв амжилт олохгүй бол коллежид сурьяа гэж би хэлсэн. Азаар тэр ондоо peп дуугаар том шагнал хүртчихдэг байлаа. -Мундаг юм аа. Ээж тань тэр үед юу гэв? -Ээж маань хатуу чанга хүн болохоор анх хэлсэн зүйлээсээ огт ухраагүй. Шагналынхаа мөнгөөр машин авч өгсөн. Ээж минь их баярласан даа. Түүнээс хойш би дуунаас ер салахаа больсон. Миний хобби гэхээсээ илүү карьер болсон гэж хэлж болно. -Түүнээс хойш сургуульд сурсан л биз дээ? -Мэдээж хэрэг, хэн ч гэсэн сургуульд сурч боловсрол эзэмших ёстой. Үүнтэй би санал нийлдэг. Ерөнхий мэдлэг шиг хүний амьдралд хэрэгтэй зүйл байхгүй. Би нэг их олигтой сургуульд сураагүй ээ. Бөөн дуу хөгжим болсон “амьтан” л байсан. Одооноос харин хүүхдүүдийнхээ боловсролд их анхаарч байна. -Яагаад кино урлагийг сонгох болсон бэ? -Холливудьн оддыг хараад яг тэдэн шиг хүн болно гэж хатуу шийдсэн. Тийм болохын төлөө их ч зүтгэлээ. -Тийм ээ, амаргүй байсан шүү. Гэхдээ энэ ташрамд нэг зүйлийг хэлье. Жүжигчин хүн яг зураг авалтад орохын өмнөхөн өөрийгөө орчноосоо бүрэн тусгаарлаж чаддаг байх ёстой. Сайн дүр ийм нөхцөлд л төрдөг юм. “Аз жаргалд хүрэх нь” киноны Крис Гарднер гэж өөрийгөө бат итгүүлж чадсан тохиолдолд амжилтад хүрч чадна. Амьдрал дээр миний хүү бол миний хүү. Харин камерийн өмнө энэ зарчим алдагдана. Тэр зөвхөн жүжигчин л байх ёстой.
Э.Оджаргал
Сэтгэгдэл Бичих |
||||
| Шинэчлэгдсэн огноо ( 2009-08-11, Мягмар ) | ||||
| < өмнөх | дараах > |
|---|
