Үүний хамгийн анхны алхам бол зүүн хойд Лос Анжелесийн Felicitas and Gonzalo Mendez Learning Center сургалтын төвд 01 дүгээр сарын 30-нд болж өнгөрсөн үнэ төлбөргүй иргэншилэлийн тухай мэдээллийн сургалт болон иргэний харьяалал өөрчлөх тухай семинарыг нэрлэж болно. Уг арга хэмжээний үеэр цагаачлалын албаны Лос Анжелес дүүргийн захирал Jane Arellano оролцогчдийн тавьсан асуудлууд дээр хариулж олоннийттэй нэг өдөр хамтран ажилласан юм байна.   

“Иргэншилэл нь хүмүүст боломж олгож, жижиг бүлгүүдийг хооронд нь бат бөх болгож, энэхүү агуу улс оронд цагаачидад эрх мэдэлтэй байх боломжийг олгодог юм. Олны нийтийг мэдээллээр хангаж, тэдгээрт туслалцаа үзүүлснээр бид ирээдүйн иргэддээ иргэншилэлээ олж авахад хэрэглэх багжийг нь бий болгох үүрэгтэй билээ. Тиймээс бид энэ салбарт Лос Анжелес хотын засаг дарга ноён Villaraigosa мөн Лос Анжелес хоттой хамран ажиллаж байгаадаа баяртай байна” гэж ноён Mayorkas хэлжээ.

Лос Анжелес хотын иргэдэд хэд хэдэн арга хэмжээ зориулагдсан байгаа бөгөөд тэдгээрийн нэг жишээ бол тухайн хотын Цагаачлалын албаны салбарууд дээр Америкийн иргэншилэлийг яаж авах мөн гадаадын иргэншилэлийг яаж өөрчлөх талаар, түүнчлэн  оршин суугчиддаа иргэний эрх үүрэг, хариуцлагын талаар боловсролын мэдээллийг түгээхэд оршино.

Лос Анжелес нь улсдаа хэмжээгээрээ 2 дугаар байранд орж, 140 гаруй улс орнуудаас цагаачилж ирсэн оршин суугчидтай бөгөөд 224 хэлээр ярьдаг хот юм. Калифорни муж нь 3,5 сая байнгын оршин суух эрхтэй (“ногоон карттай”) хүн амтай бөгөөд тэдгээрээс нь 2,5 сая нь иргэншилэлээ сольж, Америкийн иргэн болох бүрэн эрхтэй ажээ.   

“Бид АНУ-ын Цагаачлалын албатай хамтран ажилласнаар Лос Анжелесчуудад цагаачлалын тухай хэрэгцээтэй мэдээлэл олгож өгч, Америкийн иргэн болохыг дэмжиж байна. Ингэснээр манай хот шургуу ажиллаж байгаа мянга мянган цагаачид болон тэдгээрийн гэр бүлүүдэд эдийн засгийн том боломжийг нээж өгч тус болно. Олны нийтэд мэдлэг, зөв үзэл бодол дэлгэрүүлж буй энэхүү кампани нь хамтын ажиллагаа, иргэний эрх мэдлийн загвар болж, цагаач нарын улс орон болох Америкийн цаашид үргэлжилэх цэцэглэлтийг ихээр баяжуулах болно” гэж хотын засаг дарга ноён Villaraigosa хэлжээ.

Цагаачлалын албатай хамтран ажиллаж эхэлсэн Лос Анжелес нь оршин суугчиддаа цагаачлалын тухай мэдлэг, боловсролд нэмэр болох шаардлагатай мэдээлэл хангаж өгч буй Америкийн хотуудаас хамгийн анхны хот юм. Харин Цагаачлалын алба тухайн хөтөлбөрийн үр ашгийг үнэлж үзээд, цаашид бусад хотуудад дэлгэрүүлэх эсэх тухай шийдвэр гаргах болно. Лос Анжелес хотын хувьд энэхүү программ нь хоёр жил үргэлжилэх төлөвлөгөөтэй юм байна.

 Жич: Бид боломжоороо та бүхэнд цагаачлалын тухай сүүлийн үеийн мэдээг цаг алдалгүй хүргэхийг хичээх болно.Танд асууж лавлах юм байвал АНУ-ын Цагаачлалын албаны Үйлчилгээний төв рүү 1-800-375-5283 дугаараар мөн http:///www.uscis.gov гэсэн цахим хуудас руу орж шаардлагатай мэдээллээ хайж болно гэдгийг бүү мартаарай.

Манай сайтнаас энэхүү мэдээллийг хуулбарлан тавьж байгаа тохиолдолд эх сурвалжийг нь дурдаарай.Баярлалаа.

Сэтгэгдэл Бичих

Нэр:
BBCode:
Сэтгэгдэл:
Түлхүүр:*