Сүүлийн жилүүдэд хилийн чанадад гэмт хэрэгт холбогдох болсон монгол иргэдийн тоо өссөөр байна. Өнгөрсөн онд манай улсын иргэд хар тамхины хэргээр гадаадад хоригдох нь ихэссэн гэж болно. Манай улсын иргэд 2008 онд 101 гэмт хэрэгт холбогдож, 117 хүн хорих ял эдэлж байсан. Гэтэл 2009 оны эхний есөн сарын байдлаар 116 хүн гэмт хэрэгт холбогдож, 124 хүн хорих ял эдэлжээ. 2008 оныг 2009 оны эхний есөн сарын байдалтай харьцуулахад гадаадад гэмт хэрэгт холбогдсон монгол иргэдийн тоо тодорхой хэмжээгээр нэмэгдсэн харагдаж байна.

 

Хилийн чанадад гэмт хэрэгт холбогдож, ял эдэлж байгаа хүмүүсийн ихэнх нь БНХАУ-д байдаг аж. Энэ нь манай улстай хиллэдэгтэй холбоотой байж болох талтай. Гэмт хэрэгт холбогдож ял эдэлж байгаа иргэдийн ихэнх хувийг хар тамхины наймааны хэргээр холбогдогсод эзэлж байгаа юм. Тухайлбал, 2008 онд Хятад улсад хар тамхи зөөвөрлөж байгаад ЖДамдин баригдсан бол өнгөрсөн жил Д.Байгалмаа гэх бүсгүй баривчлагдсан. Мөн Казахстаны нутагт Монголын гурван иргэнийг баривчилсан.

Тэдгээрийн хоёр эрэгтэй нь Алматагаас Бээжин нисэхдээ ходоодондоо 177 ширхэг хар тамхитай капсул тээж явсан байна. Удалгүй дээрх хар там-хийг илгээсэн монгол эмэгтэйг баривчилжээ.        

Түүнийг баривчлах үед гэрээс нь Хятад руу явуулахаар бэлдсэн 65 капсул илэрсэн байна.

Дээрх этгээдүүдэд хуулийн ямар хариуцлага тооцсон нь тодорхойгүй байгаа. Энэ ажиллагааг хоёр орны хамтарсан баг Хятадын нутаг дэвсгэр дээр үргэлжлүүлэн хийхэд дахиад манай нэг эмэгтэй Гуанжу мужид баригдсан нь Д.Байгалмаа байжээ.

Ж.Дамдины хувьд цаазаар авах ял сонссон ч уг ялыг хэрэгжүүлсэн эсэх нь нууц хэвээр байна. Манай улсын зүгээс хэд хэдэн удаа тус улсын холбогдох байгууллагуудад хандсан ч манай хоёр иргэний асуудлыг нааштайгаар шийдэж өгөөгүй байсаар. Саяхан Д.Байгалмааг ар гэрийнхэнтэй нь уулзуулсан. Түүнийг цаазаар авах ялаар шийтгэх гэж байсныг насаар нь хорих ялаар сольсон байгаа. Дашрамд дурьдахад, гадаадад хоригдож байгаа хүнтэй уулзах буюу эргэх хүсэлтээ бичгээр гаргаж, гадаад паспортын хуулбарын хамт, Гадаад харилцааны яаманд өгнө. Тус яам ДТГ-аараа дамжуулан тухайн орны эрх бүхий байгууллагаас зөвшөөрөл, эргэлт оруулах cap, өдрийн талаар мэдээлэл авч хариу мэдэгддэг байна.

 

 

Нийгмийн Толь

	1. Бичсэн 55 - 2010-03-18 01:28 - Зочин
	gadaadad horigdoj baigaa humuusiin toog gargana geed baisan unen too yu.ene tuhai medeelel yund baidag ve

	2. Бичсэн chim - 2010-03-18 01:22 - Зочин
	bid metgeltseh hereiggui ovgod deedsiin uujuu uhaan haana haana dutaj baina.tedniigee sudlay..tuuh ulamjllaa aldahgui yum baihsan