|
“Гэгээн Муза” наадмын улаан хивсний ёслолоос /фото/ |
|
|
|
Бичсэн: Administrator
|
|
2010-03-29, Даваа |
|
Жил бүрийн Олон улсын театрын баярын өдөр зохиогдож ирсэн “Гэгээн Муза” энэ жил 7 дахь удаагаа болсон бөгөөд шилдгийн шилдэг буюу Гран при шагналыг “Парисын дарь эхийн сүм” хүртэж, таван сая төгрөг, болор дээр суурилуулсан алтан муза гардсан юм. Өрнийн сонгодгийн шилдгээр алдарт Виктор Гюгогийн зохиолоос сэдэвлэн бүтээсэн энэ жүжиг манай театрын тайзнаа тавигдсан анхны дэлхийн сонгодог мюзикл байсан юм. Тиймдээ ч хөгжимт жүжгийн төрөлд 6 муза авч, энэ жилийн рекордыг тогтоов.
Тэгвэл “Х-ТҮЦ” продакшны анхны драмын бүтээл дорнын сонгодог, Хятадын алдарт зохиолч Цао Юигийн зохиол “Аянгын бороо”-гоор 5 тэргүүн шагнал хүртэж Парисын араас гэзэг дарлаа. Харин онооны хувьд “Парисын дарь эхийн сүм” 77 оноо авч Гран при хүртсэн бол “Аянгын бороо” ердөө 7 онооны зөрүүгээр хоёрт орсон юм...
Харин Муза наадмыг чимдэг гол арга хэмжээ нь Улаан хивсний ёслол мөн билээ. Театрын өмнөх талбайг бүрхсэн улаан хивсний захад ирж зогсох ганган “Лимузин”-гээс олны танил уран бүтээлчид бууж урлагийн ариун сүмдээ морилохын өмнө үзэгч фэнүүдтэйгээ уулзан түр саатаж, зураг хөргөө татуулна. Энэ ёслол жүжигчдэд төдийгүй үзэгчдэд таалагддаг нэг ёсны хүлээдэг арга хэмжээ нь болсон. Тиймээс бүсгүйчүүд улаан хивсний баярт зориулан ганган даашинзаа зэхэж, эрчүүд зангиа, костюмаа сонгон ирдэгээ. Өнгөрсөн жилийн хамгийн дэгжин бүсгүй, хамгийн жентельмэн залуу хэн байсныг ч энэ зуур шивэр авир гээд авдаг зантай. 
жүжигчин Бархүү жүжигчин Одончимэг Амгаланбаатар жүжигчин Эрдэнэцэцэг жүжигчин Боогий жүжигчин Эби жүжигчин Нар мандах жүжигчин Баттулга МУГЖ Ц.Төмөрбаатар жүжигчин Сарантуяа Загвар өмсөгч Одгэрэл жүжигчин Баттулга жүжигчин Сарантуяа жүжигчин Пара жүжигчин Оюундарь жүжигчин Уранчимэг жүжигчин Оюундарь жүжигчин Баясгалан жүжигчин Баясгалан болон Г.Урнаа жүжигчин Өлзийхүү жүжигчин Золбоот
жүжигчин Хулан Гэрэл зургийг Б.Батгэрэл sonin.mn
|
|
Шинэчлэгдсэн огноо ( 2010-04-05, Даваа )
|