| 3G iPad энэ сарын 30-нд худалдаанд гарна. iPhone-ийн шинэ үйлдлийн систем гарлаа. |
|
|
| Бичсэн: Administrator | ||||
| 2010-04-23, Баасан | ||||
|
3G iPad энэ сарын 30-нд худалдаанд гарна. Apple” компанийн гаргасан iPad таблет компьютерийн утасгүй интернэтийн сүлжээнд холбогдох боломжтой 3G хувилбар хувилбар энэ сарын 30-нд АНУ-ын зах зээлд худалдаалагдаж эхлэх гэнэ. Харин үнийн тухайд 16GB багтаамжтай хувилбар нь 629 ам.доллар, 32GB нь 729 ам.доллар, харин 64GB хувилбар нь 829 ам.долларын үнэтэй байх юм. “Wi-Fi + 3G” хэмээн нэрлээд буй уг загвар нь өмнөх хувилбараас үнийн хувьд арай илүү, учир нь 3G сүлжээнд ашиглах боломжтой болсон тул хэрэглэгчид заавал Wi-Fi холболт гэхгүйгээр интернэтэд холбогдох боломжтой юм.
Дашрамд дурдахад, бүх төрлийн iPad таблет компьютерууд Австрали, Канад, Францы, Герман, Итали, Япон, Испани, Швейцарь болон Их британид тавдугаар сарын сүүлчээр худалдаалагдаж эхэлнэ.
iPhone-ийн шинэ үйлдлийн систем гарлаа “Apple” компани өчигдөр компанийн төв байрандаа хэвлэлийн бага хурал зарлаж, iPhone гар утасны үйлдлийн системийн шинэ хувилбарын талаар мэдээлэл хийжээ. iPhone OS 4.0 нэртэй шинэ үйлдлийн системийн хөгжүүлэгчдэд зориулсан хувилбар энэ долоо хоногт гарах бол энэ зун хэрэглэгчдэд хүрэх юм. Программ хангамж хөгжүүлэгчид шинэ үйлдлийн системийн хуанли, фото сан, дүрслэл болон видео өгөгдлийн санд нэвтрэх эрхтэй бөгөөд программуудын ажиллагааг хурдасгах зорилготой ажээ. Таамаглаж байсанчлан iPhone-ийн шинэ үйлдлийн систем нь multitasking буюу олон программыг нэгэн зэрэг ажиллуулах боломжтой. Хэрэглэгчид home button-г хоёр удаа дарснаар идэвхтэй ажиллуулж байгаа программуудын жагсаалтыг дэлгэцийн доод хэсэгт харах боломжтой ба аль нэгийг нь сонгож дарснаар тэр программ руугаа нэвтэрнэ. Бас нэгэн онцлууштай шинэчлэл гэвэл хэрэглэгч iPhone-доо суулгасан программуудаа бүгдийг нь дэлгэцэнд байрлуулахын оронд хавтаст хийж, ангилах боломжтой юм. Түүнчлэн iPhone OS 4.0 хувилбарын камерын үзүүлэлт тав дахин zoom хийх боломжтой болжээ.
С.Цэлмэг news.mn
Сэтгэгдэл Бичих |
||||
| Шинэчлэгдсэн огноо ( 2010-04-27, Мягмар ) | ||||
| < өмнөх | дараах > |
|---|