Манай улс дэлхийн 150-иад оронтой дипломат харил­цаа­тай байдаг. Ингэс­нээр га­даад харилцаа хөгжиж хи­лийн чанадад байгаа мон­гол ир­гэ­дэд тулгарч буй элдэв асуудлыг шуурхай шийд­­вэр­лэж  байгаа. Гэтэл сүү­­лийн үед гадаадад суугаа элчин сайд, консултай хол­боотой сөрөг яриа гарах болжээ. Тод­руулбал, Германд 18 дахь жилдээ амьдарч бай­гаа Д.Рэнцэнноров гэх иргэн Берлин хотын консулд нө­хөртөө виз гаргуулахаар Элчин сайдын яаманд ханд­жээ. Тэрбээр удаа дараа оч­сон боловч хүлээн авахгүй, утсаа ч авахгүй байжээ. Нэг өдөр аз нь таарч дипломат төлөөлөгчтэйгээ утсаар хол­богджээ.  Гэтэл хэлэхийн муу­­­­хайгаар хэлүүлж, до­ромж­­­луулсан байна.

 

Түүнийг элдвээр хэлсэн хүн нь III нарийн бичгийн дарга Мөнх­бат гэгч аж. Зөвхөн монгол­чууддаа төдийгүй ма­най оронд зорчих хүсэлтэй хоёр швейцарь  иргэний ви­зийг ч гар­гаж өгөлгүй гурван сар болж байгаа аж. Мөн тус кон­сулын монгол ажилчид га­даад хэл мэдэхгүй. Гадаад ир­гэдтэй ойлголцдоггүй та­лаар гомдол ирсэн юм.

Дээрх гомдлын дагуу ГХЯ-ны төрийн Захиргааны удирдлагын газрын захирал Б.Баярсайханаас тодруулж, цөөн асуултад хариулт авсан юм.

-Берлиний консулын III нарийн бичгийн дарга Мөнхбат монгол иргэдтэй зүй бус харьцсан гэсэн мэдээлэл байна. Тэрбээр уг албанд хэзээ томилогдсон бэ?
-Манай энгийн л нэгэн ажил­чин. Бид  тухайн  үеийнх нь дүр­мийн дагуу л томилсон. Хэр­вээ ийм асуудал байгаа бол манайд албан ёсоор бич­гээр хандах хэрэгтэй.

-Яагаад манай улсын гадаадад суугаа элчин сайд, кон­сулуудын талаар сөрөг мэ­дээлэл их гараад байна вэ?
-Ажлын хариуцлага алдаж байгаа нөхдүүд байхыг  үгүйс­­­гэхгүй. Гэхдээ манай иргэд бас асуудал бүрийг хүнд­­рүүлэх дуртай. Өөрөөр хэл­бэл, өөрийнх нь хүсэлд нийцэхгүй зүйл байвал гом­доллож эхэлдэг. Үнэн хэ­рэг­тээ дээрх хэргийн та­лаар бид мэдэхгүй учраас гомдол гаргагчийн буруу ч байж бо­лох талтай. Жишээлбэл, Чех улсад 10 гаруй мянган монгол хүн бий. Гэтэл зургаан дип­ломат  төлөөлөгчтэй. Ху­ваа­­гаад үз­вэл нэг хүнд 1700-гаад иргэн ногдож өдөрт 138 хүнд үйлчлэх хэрэгтэй болно. Тэгэ­хээр нэг хүний хүсэлд нийцүүлж ажиллах боломж байхгүй. Байлаа ч  нөгөөд нь таалагдахгүй байх жишээтэй. Төрийн ажлыг энгийн нэг байгууллагын ажил шиг явуулж болохгүй шүү дээ. Бид боломж бололцоогоороо л ажиллаж байна.

Манайханд нэгнийхээ хийж байгаа сайн үйлийг хэлэхгүй байж алдаа гаргавал өлгөж аваад асуудал бол­годог зан байдаг. Бүр наад захын нэг жишээ хэлье. Гадаадад гарахдаа манай иргэд жирэмсэн очоод хүүх­дээ хаяад зугтдаг.  Хайж, хайж эхийг нь олохоор хүүх­дээ авахгүй гэнэ. Хаана ямар оронд монгол иргэний эрх зөрчигдөж байна. Ямар асуудал байна. Яаж туслах боломжтой вэ гээд л бүх аж­лыг төлөөлөгчид хийж бай­на.

Монгол иргэний цогцос үмхийрч ялзарсан байдалтай олдсон ч ЭСЯ-ны байранд хад­галж, хэргийн шалтгааныг ол­­тол байлгаж байдаг. Арай гэж хэн болохыг нь тогтоож ар гэрийнхэнтэй холбогдоход гэр бүл нь авахгүй гээд сууж байх жишээтэй. Дипломатч консулууд бай­на гэдэг хэцүү алба. Ха­луун оронд ажиллаж байгаа дипломатууд маань мэр­гэж­лийн суурь өвчтэй, тахир дутуу болж эх орондоо ирэх тохиолдол бий. Үнэн хэрэгтээ  Монгол Улсын га­­­даад харил­цаа өргөжиж дэлхийд танигдахад гол нө­лөөлж буй хүмүүс нь дип­ломатууд л байна шүү дээ.

-Берлинд Мон­голыг зорих гэж байгаа хоёр швейцарь иргэнд виз гар­гаж өгөхгүй гурван сар болсон гэсэн. Жуулчдад иймэрхүү байдалтай ханд­вал манай орны аялал жуулчлалд сөргөөр нөлөө­лөх юм биш үү?

	1. Бичсэн jack - 2010-09-02 19:53 - Зочин
	Gadaadad baigaa irgedee hudetgej uzehgui yum bol yah gej gadaadad bid nariin tatwariin mengiig ideed suuj baigaa yum be.Er ni mongol ulsiig teleelj baigaagiin gol utag uchir ni hun burt hurch ajillah estoi shuu Bayarsaihan dargaa herew ta ene ajiliig zohion baiguulj chadahgui bol eereech ajilaa egeh heregtei.Er ni hun burt hurch ajillah estoi,konsoloor uilchluulj baigaa Mongol ulsiin irgen bur haan baih estoi shuu,tegej ajilj chadahgui bol bugd ajilaa egcgee.....

	2. Бичсэн a - 2010-08-31 01:45 - Зочин
	Иргэдийн буруу байсан ч гэсэн заавал хэрэлдэж, доромжилж байх ёстой юм уу төрийн албан хаагч байж. Шууд буцаах хэрэгтэй шд. Сайхан харьцдаг хүнийг учиргүй худлаа гүжирдээд байхгүй нь лав. Тэр Баярсайхан ч гэсэн ийм ажилд тохирохгүй хүн байна.

	3. Бичсэн Uuganaa - 2010-07-22 14:05 - Зочин
	Энэ Мөнхбат гэдэг хүн нээрээ хүмүүстэй зүй бус харицдаг. Mongoliinhoo konsulaas bi mongol irgen hun uuruu medeelel abah geheer hund surtal gargadag. Naad Mundkbat gedeg huniig ajlaas n halah heregtei.

	4. Бичсэн LA - 2010-06-23 02:59 - Зочин
	Er ni tii shdee, aylal juulchnuudiin visa iig gargahgui bol manai uls orsnii aylal juulchlald surguur nuluulun shuu dee,.

	5. Бичсэн SF - 2010-06-21 14:20 - Зочин
	gadaad xariltsaanii diplomat gedeg tom alba xashdag xunii tolgoinoos iimerxuu munxag ug garaxad ix xaramlsaltai bn....

	6. Бичсэн usa - 2010-06-20 20:29 - Зочин
	tegeed chexed amdardag byx xymyyc bygd neg odor bygd ter zurgaan toloologch deer ochdog gesen ygyy.er ne igedees bush oorcdoocoo exelj byryyg xaij cyrmaar yum.xyn umxiirexed ard tumnii byryy gej yu baina tor zacag gadaad yabdaliin jam lbyryytai ene bygdiig ted l shiidex ychirtai chadaxgyi bol bolix xeregtei daraagiin xynd zaigaa tavij og.chadaxgyi bol chaddag xynd ni ajilaa og