Ерөнхийлөгч өөрийн телевизийн илгээлтдээ Иракийн ард түмэнд хандан хүн амын бүхий л давхаргын дэмжлэгийг авсан тэдний ашиг сонирхлыг илэрхийлсэн Засгийн газраа хурдан байгуулахыг уриалсан байна. Тийм Засгийн газрын найдвартай түнш нь АНУ болж чадна хэмээн Обама онцолжээ. “Цэргийн ажиллагаа дууслаа гэхдээ Иракийн хувь заяанд бидний сонирхлыг дуусгаагүй” гэж тэр хэлэв.

Иракийн байдал ойрын хугацаанд тогтвортой биш байна гэдгийг тэрээр хүлээн зөвшөөрөөд “Хэт даврагчид бөмбөг дэлбэлж, энгийн хүн амд халдсаар байх ба дайсагналыг гаргахаар оролдоно” гэх тэр хэлэхдээ иракчууд өөрсдийн ирээдүйн аюулгүй байдлыг “террористуудад” даалгаж болохгүй хэмээн тэр нэмэн сануулав.

CNN сувгийн шинжээчид Обамагийн илгээлтийг тайлбарлахдаа АНУ-АНУ-ын ерөнхийлөгч дайнд ялсан гэж зарлаагүй мөн дайныг эхлүүлэхээр шийдвэр гаргасан өмнөх ерөнхийлөгч Жорж Бушийн үйл ажиллагаанд үнэлэлт, дүгнэлт өгөөгүй онцолж байна. 

“Хуудсыг эргүүлэн, Иракийн дайныг төгслөө гэж тэрээр зарлаад АНУ-д дотоод асуудлууд нэн ялангуяа эдийн засагтаа анхаарах хэрэгтэйг мэдэгдлээ. “Манай үндэстний гадаад дахь хүчин чадал, нөлөө, ардчиллын үнэт зүйлийг дэлхий даяар дэлгэрүүлэх Америкийн хүсэл нь үндэсний цэцэглэлт гэсэн бат бэх сууринд тулгуурлах ёстой” гэж Обама хэллээ. Үндэсний эдийн засгийн асуудлыг шийдэхдээ америкчууд цэргийнхэн шигээ эрч хүч, шургуу байдлыг харуулна гэдэгт Обама найдаж байна. 

Иракт цэргийн ажиллагааг төгсгөж буй нь түүний сонгуулийн амлалтын нэг байсан бөгөөд амлалтаа биелүүлсэн гэдгээ Обама сануулжээ. Тэрээр одоо ерөнхийлөгч байгаа зорилгоо эдийн засгийн байдлыг сайжруулах явдал гэж үзэв. Тэрээр, тус улсад дунд ангийг бэхжүүлж, боловсролын системыг төгсжүүлэх, ажилгүйдэлтэй тэмцэхийг, АНУ-ын эдийн засгийн өрсөлдөх чадварыг дээшлүүлэхэд анхаарах болно гэв.

АНУ-ын ерөнхийлөгч илгээлтдээ АНУ бас нэг цэргийн ажиллагааг хилийн чанадад явуулж байгааг анхааруулав. “Дараагийн  наймдугаар сараас” эхлэн Афганистанд ээлж дараатайгаар улс орных нь аюулгүй байдлын хариуцлагыг орон нутгийн захиргаанд шилжүүлэх болно гэж Обама мэдэгдлээ. Үүнийг ярихдаа Афганистанаас Америкийн цэргийг гаргах тодорхой хугацааг хэлээгүй бөгөөд энэ бүгд нь тухайн үеийн байдлаас хамаарна гэсэн юм.

Хариуцлагыг Афганы эрх баригчдад 2011 оны долдугаар сараас эхлэн дамжуулна гэж байснаа Обама яагаад шинэ хугацаанд шилжүүлэн хэлснийг тоймчид тэмдэглэв. Обама яагаад хугацааг өөрчилсөн шалтгаан нь тодорхойгүй.

Ирак дахь Америкийн цэргийн ажиллагаа 2003 оны гуравдугаар сарын 20-нд эхэлсэн билээ. Энэ жилийн есдүгээр сарын 1-ний байдлаар Иракт АНУ-ын 4421 цэргийн албан хаагч ба мянга орчим энгийн мэргэжилтэн америкчууд амиа алджээ. Дайны үеэр Америкийн цэргийн тоо хамгийн их нь 170 мянган хүн байлаа.

Ирак дахь Америкийн цэргийн тоо  2010 оны наймдугаар сарын дунд үе гэхэд 50 мянган хүн болсон байв. Иракаас АНУ-ын армийн байлдааны сүүлчийн анги нэгтгэл 2010 оны наймдугаар сарын 19-нд гарлаа. Бүх цэргээ энэ улсаас 2011 онд бүрэн гаргахаар АНУ төлөвлөсөн байгаа.

news.mn

Сэтгэгдэл Бичих

Нэр:
BBCode:
Сэтгэгдэл:
Түлхүүр:*