|
Америкаас Монголдоо очоод... |
|
|
|
Бичсэн: Administrator
|
|
2010-09-04, Бямба |
|
Нэгэн уншигч Монголд очоод амжилттай сайн яваа хүмүүсийн талаар өнгөтэй гэрэлтэй өөдрөг мэдээлэл гаргаач ээ! гэсэн цахим зурвас илгээжээ. Алс газраас нутгаа санан зорин очсон хэн нь ч сайн сайхан явалгүй яах билээ. Та бүхний эртний танил ганц нэг хүнийг онцлон дурдвал "Даяар Монгол" сонины эрхлэгч, сэтгүүлч Б.Номинчимэд байна. Тэрээр МОНЦАМЭ агентлагын дэд захиралын албыг хашихын зэрэгцээ уран бүтээлээ үргэлжүүлэн туурвиж яваа. Мөн Залуу зохиолч Т.Бум-Эрдэнэ эх орондоо очоод жүжгийн зохиолоо тайзанд амилуулсан сайхан мэдээ бий.
Америкийн баруун эргээс гэвэл Бэй Аэриад ажиллаж амьдарч байгаад Монголд төрийн ажилд томилогдон нэр төртэй сайн яваа эрдэмтэн бүсгүй А.Ундраа байна. Америкийн цөмийн физикийн шилдэг лабораторт эрдэм шинжилгээний төсөл удирдан алдар хүндтэй Стэнфордын их сургуульд зочин профессороор ажиллаж байсан тэрбээр Ерөнхийлөгчийн дэргэдэх ҮАБЗ-д хариуцлагтай алба хашиж байгаад саяхан ГХЯ-ны тусгай үүрэг гүйцэтгэгч элчин сайд болжээ. Мөн Бэрклийн их сургууль дүүргэсэн телевизийн сэтгүүлч Ц.Оюундарь Монголын Үндэсний Телевизийн захиралын хариуцлагатай албыг хашаад хоёр жил гаран болж байна. Дэвисийн их сургуульд багшилж байсан эрдэмтэн Ч.Наранцогт саяхан гэрээрээ нутаг буцсан, тэрээр одоо БСШУЯ-нд удирдах албан тушаалд томилогдсон сурагтай. Мөн Америкийн их дээд сургууль коллежийг төрөл бүрийн мэргэжилээр амжилттай төгссөн охид хөвгүүд эх орондоо очоод бүх л салбарт эрч хүчтэй ажиллаж монголынхоо хөгжил дэвшил бүтээн байгуулалтанд хувь нэмэрээ оруулж байгаа сайхан жишээ олон бий.
Үүний зэрэгцээ америкт ажиллаж суралцсан дадлага туршлага, төдийгүй олж хуримтлуулсан мөнгө санхүү дээрээ түшиглэн нутагтаа хувийн жижиг бизнес эрхлэн амжилттай яваа залуус ч цөөнгүй байгаа билээ. Энэ удаа өөрт байгаа мэдээлэлд үндэслэн ганц жишээ дурдан танилцуулья. Улаанбаатар хотноо Япон хоолны газар нээн ажилуулж байгаа Эрдэнэбат, Сэлэнгээ нар Бэркли хотноо ажиллаж суралцаж байгаад жилийн өмнө нутаг буцсан юм. Тэд очингуутаа түмэн олон бужигнасан Улаанбаатар хотын төвд хоолны бизнес эхлэхээр тооцоо судалгаа гарган түрээсийн байр авч өөрсдийн гараар засаж тохижуулан арав гаруй хүний ажлын байраар хангаж өдгөө үйлчлүүлэгчдийн хөл хөдөлгөөн тасардаггүй газар болгож чаджээ. Цаашид бизнесээ өргөжүүлэн шинээр салбар нээх, хоолны чанар, нэр төрлийг нэмэгдүүлэх, үйлчилгээний өрнө дорнын соёлыг хослуулан нэвтрүүлэх, байнгын болсон үйлчлүүлэгчидээ улам татах гээд америкт ажиллаж байснаасаа ч дутахгүй чөлөө завгүй зүтгэж хөдөлмөрлөж явна. Тэдний очоод хийж бүтээснийг цааш унших гэдэг дээр дарж сонирхоорой.
Америкт ажиллаж сурч амьдарч байсан монголчууддаа алсаас мэнд хүргэхийн зэрэгцээ ажил амьдралд нь улам их амжилт хүсье!
Д.Цэрэндорж zamdaan.com
|
|
Шинэчлэгдсэн огноо ( 2010-09-17, Баасан )
|
.jpg "Image")
.jpg "Image")
.jpg "Image")
.jpg "Image")
.jpg "Image")
