Хойд Солонгосын гадаад хэргийн сайд Ким Кае Кваны Вашингтонд хийсэн айлчлал өндөрлөлөө. Хоёр улсын хооронд болсон энэхүү уулзалтын үр дүнг олон улсын ажиглагчид анхааралтай ажиглан хүлээж байгаа. Тэгвэл хоёр талын ээлж дараалан мэдэгдсэнээс үзвэл уулзалт амжилттай өндөрлөсөн бөгөөд ирэх гурван жилд тус хоёр улсын харилцаа цоо шинэ шатанд гарах магадлалтай аж.

Энэхүү уулзалтад оролцогчид бүтээлч, ажил хэрэгч яриа хэлэлцээр боллоо хэмээн тодорхойлж байна. Зургаан талт хэлэлцээрт яригддаг бүх л асуудлаас гадна хоёр орны харилцааг шинэ шатанд гаргах тохиролцоо энэ айлчлалын үеэр хийгдсэн хэмээн тэд битүүхэн зарлажээ.

 

Олон улсын ажиглагчдын мэдээлж буйгаар энэ уулзалтын үр дүнд Хойд Солонгосыг зургаан талт хэлэлцээрт дахин татан оруулж шинэ шинэ гэрээ хэлцэл байгуулах боломжийн зам нээгдсэн хэмээсэн байна.

Үүний өмнөхөн хоёр солонгосын өндөр албан тушаалын хүмүүс дээд хэмжээний уулзалт хийсэн бөгөөд одоо эвлэршгүй хэмээн яригддаг АНУ-д Хойд Солонгосын тал томоохон айлчлал хийснийг солонгосын хойгт үүсдэг зөрчилдөөнтэй уур амьсгал намжих шинжтэй боллоо хэмээн хэвлэлүүд бичиж эхэллээ. Тус айлчлалын талаар дэлгэрэнгүй нийтлэлийг та бүхэнд удахгүй хүргэх болно.

 

О.Нар

shuud.mn

 

	1. Бичсэн Zochin - 2011-07-30 07:52 - Зочин
	Xoid Solongosd oor songolt baixgyi shomiin mash tom reactortoi yygeegee xogjixgyi, yls oron orshin togtnox yndes ni zobxon xatyy deglem, zebsegt xychin bish gedgiig oilgoj baigaa biz,