Гэхдээ буурлаа гээд харь эрсийн цайг чанахаар цөөнгүй эмэгтэйчүүд хүний нутаг руу явсан хэвээр л  байна. Даяаршсан дэлхийд хэн нь хэнтэйгээ нийлж, суухыг хавчиж боож болохгүй, тэгээд ч монгол эрчүүд гэж авах юмгүй нөхдүүд гэж зөвтгөх хандлага бий ч, туурга тусгаар Монгол үндэстний цус цэвэр байх учиртай болов уу. Илүүг нуршилгүй баримт хүргэе.

Сүүлийн 10 гаруй жилийн хугацаанд 6128 монгол иргэн гадаадын иргэнтэй гэр бүл болсоны 80 орчим хувь нь  18-25 насны охид, эмэгтэйчүүд байна. Ерөөс гадаадын иргэдтэй гэрлэгсдийн 95-97 хувийг эмэгтэйчүүд бөгөөд 70-аад хувь нь солонгос иргэнтэй гэрлээд байгааг албаны эх сурвалж хэллээ. Харин монгол бүсгүйчүүдтэй гэрлэж байгаа гадаадын иргэд  35-60 насныхан байдаг аж.  Хол нутгийн бэр болж байгаа бүсгүйчүүдийн  дийлэнх нь гэр бүл зуучлалын байгууллага, танил найз нөхдөөрөө зуучлуулан дээр өгүүлсэнчлэн Солонгос улсын иргэдтэй гэрлэсэн байдаг.

НХХЯ-аас өгч буй мэдээллээр  гадаадын иргэнтэй, ялангуяа Солонгос Улсын иргэнтэй гэр бүл болж байгаа иргэдийн асуудлаар “Хүйсийн тэгш эрхийн төв” зэрэг ТББ гэрлэхээс нь өмнөх сургалтад хамруулах ажлыг 2008 оноос зохион байгуулж байгаа нь үр дүнгээ өгч байгаа аж. Тухайлбал сургалтад хамрагдсан Солонгос иргэнтэй гэр бүл болох гэж байгаа зарим эмэгтэйчүүд тухайн улсын хууль, дүрэм, ёс заншил болон гадаад бэрийн амьдралын асуудлаар зохих мэдлэгтэй болмогцоо гэрлэхээсээ татгалзсан тохиолдол гарсан юм байна.

Тэгэхээр нэлээдгүй идэвхжсэн урсгал татарч байгаа бол сайн л мэдээ. Мэдээж гадаадын иргэдтэй гэрлэж болохгүй гэсэн хууль гаргалтай нь биш. Тиймээс манай иргэд хаанахын хэнтэй ч гэрлэсэн иргэний эрх, ашиг сонирхол хангагдаж байх ёстой. Монгол Улсын иргэн нь гадаадын иргэн, харъяалалгүй хүнтэй гэрлэхээр харилцан зөвшөөрөлцсөн тохиолдолд гэрлэхийг хүсэгчдийг хоёр орны соёл, ёс заншил, хууль эрх зүйн талаархи сургалтад хамруулах асуудлыг журамлах хэрэгтэй. Ялангуяа гэр бүл дэх хүүхдийн эрх, аюулгүй байдал, эцэг, эхийн үүрэг, хариуцлага, гэр бүлийн өмч хөрөнгийн харилцаа зэрэг олон асуудлыг эрх зүйн талаас нь нарийвчлан зохицуулж, амьдралд нийцтэй болгох шаардлагатай гэж чиглэлийн яамнаас үзэж байна. Угаас төрийн бодлогын салшгүй хэсэг гэдгийг тодотгож байна.

Тэгэхээр  гэр бүл зуучлалын талаар хууль эрх зүйн зохицуулалтыг яаралтай бий болгох, гадаадын иргэнтэй гэрлэсэн монгол иргэдийн эрх ашгийг хамгаалах талаар тухайн улс орнуудтай Засгийн газрын түвшинд нь хамтран ажиллаж, харилцан мэдээлэл солилцож байх, гадаадын иргэн, харъяалалгүй хүнтэй гэрлэхээр харилцан зөвшөөрөлцсөн тохиолдолд гэрлэхийг хүсэгчдийг хоёр орны соёл, ёс заншил, хууль эрх зүйн талаархи сургалтад хамруулах зэрэг асуудлыг хуульчлах, журамлах, эрх зүйн зохицуулалтыг боловсронгуй болгохоор ажиллаж байгаа гэнэ.

Тухайлбал Гэр бүлийн тухай хуулийн шинэчилсэн найруулгын төсөлд гэр бүл, хүүхдийн асуудал хариуцсан төрийн захиргааны байгууллагатай байх, гэр бүлийн маргааныг гэр бүлийн асуудлаар дагнасан шүүхээр шийдвэрлэдэг болох зэрэг тогтолцооны өөрчлөлтөөс гадна гэр бүл дэх хүүхдийн өмч хөрөнгийн эрх, хамгаалуулах эрх болон эцэг эхийн үүрэг хариуцлагын талаарх эрх зүйн зохицуулалтыг сайжруулах зорилгоор зарчмын  томоохон өөрчлөлтийг тусгав. Мөн гадаадын иргэн болон харьяалалгүй этгээд оролцсон гэр бүлийн харилцаанд Гэр бүлийн хууль тогтоомжийг хэрэглэх асуудлыг тусгаад байгаа гэсэн зүйлийг ярьж байна.

Нэг талаас төр нь  харийн иргэдийг ханиараа сонгож байгаа иргэдийнхээ төлөө үүнээс өөрөөр хийж дийлэх зүйл харагдахгүй байгаа юм. Эцсийн дүндээ иргэд өөрсдөө л сонголт хийж байгаа гэж харж болох ч, ийм сонголтыг хийхэд хүргэж байгаа бодит нөхцөл, шалтгаанууд юу байна вэ гэдэг талаасаа харвал илүү өргөн хүрээнд ярих шаардлага гарна. Биднийг ийн суух суур энэ дэлхийгээр дүүрэн Солонгон Монголчууд мэндлэх вий дээ!

Э.Богема

shuud.mn

	1. Бичсэн Zochin - 2011-12-14 14:22 - Зочин
	Herev Mongol ni ger buliin huchirkiileliin esreg bolood huuhdiin erkiig hamgaaldag huiliin nariin togtoltsootoi, ter ni heregjdeg niigem baisan bol mongol emegteichuudiin songolt uur baih bailgui dee. Mongoliin huili erk zuin system ni kunii erkiig hamgaaldag boloogui nuktsuld ken ni yamar ornii yamar hunteigee suuh ni ta bidnii sanaa zovoh asuudal bish! When things happen like this there are fundamental reasons. We would rather like to know these reasons why they choose what they choose, then try to educate people as much as you can for more positive changes to happen in the future.

	2. Бичсэн Zochin - 2011-12-12 22:20 - Зочин
	Solongoschyyd gej neg ertonshiin bugnuud tegeed bas mongoltoi neg garaltai gej yarixiig ni sonsoxoor yyr xyrmeer

	3. Бичсэн ? - 2011-12-10 09:48 - Зочин
	solongosuudtai suuj bool n bolj zovsonoos mongol hunteigee suuval hamaagui deeree. solongosuud aimaar buduuleg bas aimaar haramch oorsdoosoo busdiig ot horhoi shig uzdeg oodgui hun chanartai nuurendeeree ineesen tsaanaa dald sanaatai humuus. solongos huntei suugaad zovj bgaa huuhnuud zondoo bas aluulsan medrel ovchtei bolson ch huuhnuud baidag tuhai sonsson yum bna. Suuh hunee sain zov songoj chadahgui bol nasaaraa l zovoh boloh bhdaa. ingeed bodohoor arhi uudag archaagui amidralaa avch yavdaggui geed oochilj goojlood bgaa mongol erchuudee zasaj zoolruuleed demjeed amidarval deer bhaa.

	4. Бичсэн saraa - 2011-12-09 19:13 - Зочин
	harin tiim haramch,buduuleg,yarvaisan.

	5. Бичсэн naraa - 2011-12-09 19:10 - Зочин
	za za bolie songino shig godoison yamaan omogtoi jijighen yumtai solongos ereer yahav dee.mongol erchuudch nomortei shuu.

Сэтгэгдэл Бичих

Нэр:
BBCode:
Сэтгэгдэл:
Түлхүүр:*