Бидний одоогийн хэрэгжүүлж буй төсөл маань ЭХЭМҮТ-ийн Дутуу Нярайн Эрчимт Эмчилгээний тасагт нэн шаардлагатай нярайн инкубаторыг авч өгөх ажил юм. Тус тасгийн тоног төхөөрөмжийн шинэчлэл тун хангалтгүй байгаа ба ялангуяа  Нярайн амь насыг аврахад нэн шаардлагатай эхийн хэвлийг орлодог инкубаторын хүрэлцээгүй байдал нь нярайн эндэгдэлийн гол шалтгаануудын нэг болоод байна.  Тиймээс бид  тус тасагт  `Нярайн Инкубатор` авах төслийг 2011 оны 10 сараас хэрэгжүүлж эхлээд байна.

Инкубаторын хувьд тасгийн эмч сувилагчидтай зөвлөлдсөний үндсэн дээр 25,65 сая төгрөгийн үнэ бүхий Герман улсын Draeger фирмийн бүтээгдэхүүнийг худалдаж авахаар төлөвлөж байгаа ба  одоогын байдлаар шаардлагатай хөрөнгийн 59% нь цуглараад байна.  Инкубаторыг 6 сарын 1 буюу Эх хүүхдийн эрүүл мэндийг хамгаалах өдөр гардуулж өгөхөөр төлөвлөж байгаа хэдий ч тээвэрлэлтийн хугацаанаас шалтгаалан хандивийн үйл ажиллагааг 4 сарын 1 хүртэл явуулах юм.  Энэ удаагийн төсөл маань өмнөх төслүүдтэй харьцуулахад шаардлагатай хөрөнгийн хэмжээ ихээс гадна хугацаа богино тул нярайн инкубатор авах санг бүрдүүлэхийн тулд та бүхний тус дэмжлэг зайлшгүй шаардлагатай байна.
 
Энэ удаагийн төсөл маань төлөвлөсөн хугацаандаа амжилттай хэрэгжсэнээр бид дараагийн шатанд тус тасагт шаардлагатай байгаа бусад тоног төхөөрөмжийг худалдан авч бяцхан үрсийнхээ эдгэрэх  боломжийг аль болох түргэн хугацаанд бүрдүүлж чадах билээ. Мөн энэхүү үйлст дэлхийн өнцөг булан бүрт суугаа монголчууд та бүхнийг ч гэсэн бидэнтэй хамтран ажиллана гэдэгт чин сэтгэлээсээ итгэлтэй байна.  Та бүхэн дараах байдлаар тусламж үзүүлнэ үү.

1. Эрүүл Үрс Гэрэлт Ирээдүй ТББ-ын үйл ажиллагааны талаарх мэдээллийг тухайн орон (бүс)-д оршин сууж буй монголчууддаа  түгээх

2. Тухайн оронд оршин сууж буй монголчуудаас нэгдсэн байдлаар хандив цуглуулах ажлыг зохион байгуулах
 
Дамшрамд дурдахад манай ТББ Япон Улс дахь монголчуудын холбоо болон Японы Хитоцубаши Их сургуулийн Монгол оюутны холбоотой хамтран ажилладаг юм. Хитоцубаши их сургуулийн оюутнууд маань жил бүр сургуулийнхаа баяр дээрх  Монгол хоолны худалдаанаас олсон орлогоо хандивлаж бидний үйл ажиллагааг байнга дэмжиж байдаг билээ. Мөн Япон дахь Монголчуудын холбоо нь өөрсдийн зохион байгуулсан шинэ жилийн цэнгүүнээс олсон орлогоосоо `Нярайн Инкубатор` төслийн санд нэмэрлэж үнэтэй хувь нэмэр оруулсан юм.
 
Бид мэдээллийн ил тод байдлыг эрхэмлэн, бүх хандивлагчдынхаа нэр болон хандивын хэмжээг зарлаж, хамтран ажилласан албан байгууллагуудыг өөрсдийн цахим хуудсуудаар сурталчиладаг юм. Мөн нярайн инкубатор төслийн үр дүн болон санхүүгийн баримтуудыг өмнөх төслүүдийн адил тв, хэвлэл мэдээллийн хэрэгсэл болон өөрсдийн цахим хуудас бусад сувгаар нийт хандивлагчид  болон ард түмэндээ тайлагнах болно. Дэлгэрэнгүй мэдээллийг дараах хуудасуудаар орж авна уу. www.saveinfants.mn ; www.facebook.com/saveinfants ; www.youtube.com/saveinfants
 
Та бүхнийг амьд үлдэхээр тэмцэж буй бяцхан үрсийнхээ амь насыг аврах бидний төслийг дэмжиж, хамтран ажиллана гэдэгт гүнээ итгэлтэй байна.
 

Хүндэтгэсэн,  “Эрүүл Үрс Гэрэлт Ирээдүй” Төрийн бус байгууллагын хамт олон

	1. Бичсэн Ynshig ch - 2012-02-14 22:16 - Зочин
	Ene zyrgan deerx emegtei bol mongol ylsiin abilgalchid bolon olgarxi-nyyd ni yum bna l daa ? tegeed bidnii ireedyi yr xyyxdyyd iim l baidaltai amidarch baina .

	2. Бичсэн Zochin - 2012-02-12 23:12 - Зочин
	Ylsiin ix xyrliin gishuudees bas ene jil songuuliin jil songuulid ner debshigchidees absan deer bxdaa gadaadad bgaa bid chin mongold ar ger , axan dyys geed tatlaa mon ch ixdee .

Сэтгэгдэл Бичих

Нэр:
BBCode:
Сэтгэгдэл:
Түлхүүр:*