|
Америкийн Шатрын аваргa шалгаруулах тэмцээнд амжилттай оролцсон шатарчин багачууддаа баяр хүргэе. |
|
Лос-Aнжелес хотын шатарчин багачууд 3-5-p сард тун завгүй маш олон уралдаан тэмцээнд амжилттай оролцлоо. 5 сарын 11-13-ний хооронд Tennessee мужийн Nashville хотод зохиогдсон Өсвөр үеийн Улсын аварга шалгаруулах тэмцээнд (K-1 Championship) Энхсайханы Төгөлдөр -Аndrew амжжилттай тоглож 7 өргөөс 5 хожиж нийт 300 орчим хүүхдээс 18-30-р байранд шалгарч цом гардан авлаа. Энэ жилийн аварга шалгаруулах тэмцээнд нийтдээ 2200 гаруй шатарчин хүүхдүүд Америкийн бүх мужаас ирж оролцлоо. Энхсайханы Төгөлдөр 3 сард зохиогдсон Kалифорни мужийн аварга шалгаруулах тэмцээнд мөн 3-р байрт шалгарч цом гардан авч урамтай сайхан тоглосонд баяр хүргэе!
San Diego хотноо зохиогдсон Дунд ангийн сурагчдын Өсвөр үеийн Улсын аварга шалгаруулах тэмцээнд (K-12 Unrated) Баасандоржийн Отгонбаяр 7 өргөөс 5 хожиж нийт 52 шатарчдаас 4-7 -р байранд шалгарч цомоор шагнууллаа.Г.Жэннифэр, Э.Билгүүдэй нар нас өгсөн тоглож арвин туршлагатай боллоо.  Сэтгэгдэл (3)
|
|
Дэлгэрэнгүйгээр...
|
|
|
Бурхан багшийн Их Дүйчин өдөрт зориулсан үйл ажиллагаа |
|
Бурхан багшийн их дүйчин өдөр билгийн тооллын зуны эхэн сарын шинийн 15-д тохиодог билээ. Энэ өдөр Бурхан багш эхээс мэндэлсэн, гэгээрэлд хүрч бурханы хутгыг олсон, таалал төгсөж нирваан дүрийг үзүүлсэн гурван их үйл давхцаж тохиодог билэгт сайн өдөр юм. Энэ жилийн их дүйчин өдрийг 5 сарын 27-ны ням гаригын 11 цагаас Ranch Park -д тэмдэглэх гэж байна. Лос Анжелес хот орчмын Монголчууд та бүхнийг уламжлал болгон зохиогдож ирсэн Бурхан багшийн дүйчин өдөрт зориулсан үйл ажиллагаанд өргөнөөр оролцохыг урьж байна.
Мөн энэ үйл ажиллагааг бид жил бүрийн хүүхдийн баяртай хамтатган тэмдэглэж хүүхдүүдэд бэлэг өгч баярлуулдаг уламжлалтай билээ. Энэ удаагийн арга хэмжээнд урлагийн тоглолт, хүүхдийн бэлэг гардуулах болон бусад уламжлалт үйл ажиллагаанууд багтсан болно.
Сэтгэгдлээ үлдээнэ үү! |
|
Дэлгэрэнгүйгээр...
|
|
|
Н.Энхбаяр сонгуульд нэр дэвших эрхтэй |
|
МАХН-ын дарга Н.Энхбаярыг батлан даалтад гаргах хүсэлтийг ар гэрийнхэн нь болон МАХН-ын гишүүд Сүхбаатар дүүргийн шүүхэд тавьсныг Шүүх хэлэлцээд, өчигдөр /V.14/ түүнийг батлан даалтад гаргахаар шийдвэрлэсэн билээ. Энэ өдөр мөн Нийслэлийн прокурорын газраас МАХН-ын дарга Н.Энхбаярыг яллагдагчаар татаж, түүнд холбогдох хэргийг Сүхбаатар дүүргийн шүүхэд /V.14/ шилжүүлсэн. Ийм тохиолдолд МАХН-ын дарга Н.Энхбаяр УИХ-ын сонгуульд нэр дэвших эрхтэй эсэх нь олны анхаарал татаж байгаа юм. Тэрээр авилгын хэрэгт холбогдон хоригдсоноо улс төрийн шалтгаанаар, тэр дундаа сонгуульд оролцуулахгүй байх зорилгоор өрсөлдөгчдийнх нь хийж байгаа үйлдэл хэмээн үзэж байгаа билээ. Сэтгэгдэл (7) |
|
Дэлгэрэнгүйгээр...
|
|
|
Ерөнхийлөгч Цахиагийн Элбэгдоржтой НҮБ-ын Ерөнхий нарийн бичгийн дарга Бан Ги Мүн утсаар ярив |
 Бан Ги Мүн : Сайн байна уу, Эрхэм Ерөнхийлөгч өө.
Цахиагийн Элбэгдорж: Эрхэм Ерөнхий нарийн бичгийн дарга тантай утсаар ярьж байгаадаа баяртай байна.
Бан Ги Мүн: Би энэ асуудлаар яримааргүй байна. Гэхдээ ярьж байгааг та ойлгоно биз ээ. Ерөнхийлөгч асан Н.Энхбаярын эрүүл мэндийн асуудалд бид санаа зовних байдал нэмэгдэж байна. Түүний эрүүл мэндийн талаар таныг анхаарлаа хандуулж байгаа гэдэгт би найдаж байна. Та бид хоёр сайн найзууд. Таны өмнөх Ерөнхийлөгчийг ч би мэднэ. Монгол Улс бол ардчилсан нийгмийг байгуулахад хамгийн их амжилт олж байгаа улсын нэг гэдгээр нь бахархаж явдаг. Мэдээж бид хуультай холбоотой асуудалд хөндлөнгөөс оролцохыг хүсэхгүй байна. Та бол Монгол Улсын Ерөнхийлөгчийн хувьд ардчиллыг бэхжүүлэх, хууль ёсыг тогтооход асар том хариуцлага үүрч байгааг би сайн ойлгож байна.
Цахиагийн Элбэгдорж:Таныг утсаар ярьж байгаад гүн талархаж байна. Ерөнхийлөгч асан Н.Энхбаярын эрүүл мэндийн асуудалд анхаарч байгаа. Тэр манай төрд өндөр алба хашиж байгаа хүмүүсийн эмчлүүлдэг эмнэлэгт хэвтэж байгаа. Түүний хажууд манай улсын эрүүл мэндийн салбарын хамгийн сайн баг ажиллаж байгаа. Сэтгэгдэл (4) |
|
Дэлгэрэнгүйгээр...
|
|
|
Гадаад дахь монголчууд намд саналаа өгнө |
 УИХ-ын Сонгуулийн тухай хуульд зааснаар гадаад улсад амьдарч буй монгол иргэд анх удаа парламентад суух төлөөллийг сонгох эрхийг ирэх зургадугаар сард болох УИХ-ын сонгуулиар эдлэх болж байна. Гэхдээ тэд намд саналаа өгнө. Тодруулж хэлбэл, пропорцианаль тогтолцоогоор саналаа өгнө гэсэн үг юм. Мөн хуульд заасны дагуу гадаад дахь монголчуудын санал авах өдрийг ирэх зургадугаар сарын 10-ны өдрийг гэж тогтоон, энэ өдрийн 07.00-20.00 цагт хүртэл хүлээж авах болж байна. Ингэхдээ тухайн улс орон дахь Монгол Улсын Дипломат төлөөлөгчийн газарт очиж, сонгогчид саналаа өгөх үүрэг хүлээж буй юм. Үүнээс гадна тэд санал авах өдрөөс 30 хоногийн өмнө буюу тавдугаар сарын 11-ний өдрөөс эхлэн өөрийн оршин суугаа улс дахь Дипломат төлөөлөгчийн газарт биечлэн очиж, сонгуульд оролцохоо мэдэгдэн, бүртгүүлэх үүрэг хүлээгээд байна. Бүртгэлийн ажил эхэлж буйтай холбоотойгоор өнгөрсөн баасан гаригт Гадаад харилцааны яамнаас сэтгүүлчдэд мэдээлэл хийсэн юм. Энэ үеэр тус яамны Төрийн нарийн бичгийн дарга Б.Батхишиг сэтгүүлчдийн асуултад дараах хариултыг өглөө. Сэтгэгдлээ үлдээнэ үү! |
|
Дэлгэрэнгүйгээр...
|
|
|
УИХ дахь АН-ын бүлгийн дарга Ч.Сайханбилэгийн хариулт |
|
1. Монгол Улсын гурав дахь Ерөнхийлөгч, МАХН-ын дарга Н.Энхбаярыг батлан даалтад гаргах шийдвэрийг шүүхээс гаргалаа. Үүнээс өмнө УИХ дахь МАН-ын бүлгээс батлан даалтад гаргах санал гаргасан. АН-ын бүлэг энэ талаар ямар байр суурьтай байв?
-Гурав дахь Ерөнхийлөгч асан, МАХН-ын дарга Н.Энхбаярыг батлан даалтад гаргасан нь хууль хяналтын байгууллагын шийдвэр. Хуулийн байцаан шийтгэх ажиллагааны процесс явагдаж байгаа үед хууль тогтоох байгууллагад байгаа улс төрийн нам ямар нэгэн байдлаар байр сууриа илэрхийлж болдоггүй. Нөгөө талаар олон хүний анхаарлыг татаж байгаа гэдэг утгаараа Н.Энхбаярын асуудлыг УИХ дахь АН-ын бүлэг хурлаараа авч хэлэлцсэн. МАН-ын бүлэг хагассайн өдрийн 22.00 цагт хуралдаж, батлан даалтад гаргая гэсэн саналаа хуулийн байгууллагад хүргүүлсэн байсан. Сэтгэгдэл (3) |
|
Дэлгэрэнгүйгээр...
|
|
|
ШИНЭ ҮЕИЙНХЭН - Баярсайханы Халиунаа |
|
Нэг. Намтрын товчоон
-1993 онд Дорнод аймгийн Чойбалсан хотод төрсөн
-Солонгос улсад бага дунд сургууль
-2003 оноос АНУ-д ирж дунд болон ахлах сургуульд суралцсан
-2012 онд UCLA \University of California, Los Angeles\ -д элсэн орж байгаа
:2005 онд АНУ-ын Ерөнхийлэгч Ж. Бушийн нэрэмжит шагнал
:2008 онд California Junior Scholarship Federation Honor Award
:2009 онд Лос-Анжелос хотын "Шилдэг монгол сурагч" шагнал
:2011 онд МЗХ-ны "Тэргүүний сурагч" алтан медаль
Хоёр. Харьд өнгөрүүлсэн хүүхэд нас
-Г.Галбадрах: Хаана төрж хаана өсөв?
-Б.Халиунаа: Би 1993 онд Дорнод аймгийн Чойбалсан хотод төрсөн гэдэг. Намайг төрсний дараа аав ээж 2 минь Солонгос Улсад ажиллахаар явж би эмээтэйгээ өссөн.Эмээ минь надад их тусалж, нөлөөлж байв. Намайг монголоор сайн ярьж сурахад эмээ л их тусалсан даа.
2 жилийн дараа Солонгост аав ээж дээрээ очиж, тэндээ 3 жил хамтдаа амьдарцгаалаа.Тэнд цэцэрлэгт явлаа. Би ганцаараа монгол, тэгээд ч солонгос хэл мэдэхгүй. Сайн санахгүй ч нэг л мэдэхэд солонгосоор ярьдаг болсон байсан. Сургуульд орох болсон чинь би үеийнхнээсээ 1 насаар эгч. Багш нар нь намайг 2-р ангид тест өгөхийг зөвлөлөө. Тестээ өгөөд 1-р ангийг алгасаж 2-р ангидаа орсон ч хэдэн сар хичээлдээ суугаад Монгол руугаа буцах болсон. Сэтгэгдэл (7) |
|
Дэлгэрэнгүйгээр...
|
|
|
Монголын шилдэг киногооор “Бодлын хулгайч” тодорлоо |
|
Монголын Үндэсний Кино Урлагийн Академаас санаачлан зохион байгуулдаг "Academy awards-2012" кино наадам, Академийн Дээд Шагнал гардуулах ёслол хүндэтгэлийн ажиллагаа өчигдөр УДЭТ-т болж, шилдгүүдээ нэрлэлээ. Хоёр дахь жилдээ зохиогдож буй энэ наадамд 2011 оны нэгдүгээр сарын 1-нээс энэ оны тавдугаар сарын 1-нийг хүртэлх хугацаанд бүтээгдэж, дэлгэцнээ гарсан Монголын нийт 15 кино 16 номинацид өрсөлдсөнөөс "Wisdom Film" продакшн, найруулагч Ж.Сэнгэдоржийн бүтээл "Бодлын хулгайч" кино шилдгийн шилдэг кинонд олгох гран-при шагнал хүртсэнээс гадна таван номинацид шагнал хүртсэн юм.
Монголын кино урлагийн шилдгийн шилдэг кино, уран бүтээлчийг шалгаруулдаг "Academy Awards-2012" наадмын шилдгүүд ийн тодорлоо. Сэтгэгдлээ үлдээнэ үү! |
|
Дэлгэрэнгүйгээр...
|
|
|
Америкт үнэгүй эмчлүүлэх боломж байдаг |
|
Америкт үнэгүй юм гэж үгүй хэмээн зарим хүмүүс ярьдаг боловч хайвал боломжууд байдаг юм байна.
Үүнээс нэгийг нь товч өгүүлрүүн: Чикаго хотын төв орчим байрладаг John H Stroger Jr Hospital of Cook County
Ихэнхи хүмүүс энэ эмнэлэгийн талаар мэдээлэлтэй байдаг боловч зарим нэг мэддэггүй хүмүүст нь хэрэг болох болов уу хэмээн бодлоо.
Хоёр сая монголчуудаас өвчтэй зовлонтой хүнийг нь тоолбол маш цөөхөн тоо гарч ирнэ. Гэтэл хорин сая хүнийг ч үнэгүй эмчилчих хүчин чадалтай том эмнэлэг John H Stroger Jr Hospital of Cook County гэж байдгийг хэзээний мэдэх боловч судалж үзээгүй байгаад ахын маань элэг өөрчлөлтэй гарсан учир судалж үзлээ.
Яаж үнэгүй үзүүлж эмчлүүлэх вэ? гэдэг талаас нь олон хүнээс ч асуусангүй. Тус эмнэлэгт энэ чиглэлээр эмчилгээ хийлгэж буй сайн танил болох монгол хүнээс асуухад завгүй цаг үе нь таарах шиг боллоо, үнэгүй үзүүлэж эмчлүүлэх талаар тодорхой мэдээлэл олж авсангүй. Сэтгэгдэл (3) |
|
Дэлгэрэнгүйгээр...
|
|
|
Ц.Элбэгдорж: Хүн бүр хуулийн өмнө тэгш эрхтэй |
|
Mонгол Улсын Ерөнхийлөгч Ц.Элбэгдорж өнөөдөр УИХ-ын гишүүн Д.Тэрбишдагва, Ч.Улаан, О.Чулуунбат нарыг хүлээн авч уулзлаа. МАХН-ын дэд дарга Д.Тэрбишдагва нарын дээрх гишүүд энэ үеэр МАХН-ын дарга Н.Энхбаярыг батлан даалтад гаргахыг хүсэж буйгаа Ерөнхийлөгчид дуулгасан юм. Тухайлбал, УИХ-ын гишүүн Д.Тэрбишдагва уулзалтын эхэнд “МАХН-ын дарга Н.Энхбаярыг батлан даалтад гаргах шаардлага байгаагаа түүний эрүүл мэндийн талаар Нэгдсэн хоёрдугаар эмнэлгийн дарга Ц.Баясгалан болон эмч нарын багаас бүрдсэн ажлын хэсгээс гаргасан дүгнэлт, Н.Энхбаяр даргын ар гэр, намын гишүүд дэмжигчдийн хүсэл эрмэлзэл гээд олон зүйлтэй холбоотойгоор эл саналыг тавьж байна” гэсэн юм. Энэ асуудалд Ерөнхийлөгч хэрхэн байр сууриа илэрхийлснийг бүрэн эхээр нь хүргэе. Хүний амь насны асуудал бол чухал байгаа. Гадаа манай иргэд бас өлсгөлөн зарлаж байна. Энд санаа зовж байгаа гэдгээ хэлэх нь зөв байх. Ер нь амь насаараа дэнчин тавьсан тэмцлийн хэлбэр сонгохгүй байх талаар бодох ёстой гэдгийг би өмнө нь ерөнхийлөгчөөр ажиллаж байсан Н.Энхбаярт сануулсан, хэлсэн. Ийм арга замыг битгий сонгоорой гэж. Тэгэхээр энд нөлөөлж болох боломж байвал та бүхэн энэ өлсгөлөнг зогсоох тал дээр арга хэмжээг авахад тусламж, дэмжлэг үзүүлэх хэрэгтэй байгаа юм л даа. Ер нь өлсгөлөнг хүн өөрөө эхэлж санаачлан зарладаг. Өөрийнх нь л зогсоох шаардлагатай асуудал. Н.Энхбаяр гэдэг хүн өөрөө өлсөж байгаа. Сэтгэгдэл (4) |
|
Дэлгэрэнгүйгээр...
|
|
|
Монголын Динозавр Судлалын Хүрээлэнгээс 6/3-нд сургалт, музейн аялалыг хүүхдэд зориулан зохионо |
|
Монголын Динозавр Судлалын Хүрээлэн ТББ - аас Америк дахь Монгол xүүхдүүддээ зориулан Шинжлэх Ухааны Танин Мэдэхүйн үнэгүй сургалт, музейн аялалыг Хүүхдийн баяр угтаж зохион байгуулж байна. Зорилго: Палеонтологийн танин мэдэхүйн сургалт болон музейн аялалын гол зорилго маань музейн ач холбогдлыг Монголчуудаа танин мэдүүлж Монгол орондоо олон улсын стандартад нийцсэн хүүхэд залуучуудад чөлөөт цагаа өнгөрөөж, тэдний шинжлэх ухааны танин мэдэхүй, оюун ухаанд хөрөнгө оруулж чадах музей барьж байгуулах ажлыг дэмжихийг уриалахаас гадна дэлхийд гайхагдсан палеонтологийн шинэ олдворуудаа эх орондоо дэлгэн үзүүлж олны хүртээл болгох музей барихыг засгийн газраас дэмжихийг хүсэх зорилготой юм. АНУ-д амьдарч, сурч байгаа Монголчууд маань энэ орны музей олон нийтэд ямар ач холбогдолтой байдаг вэ, олон нийт хэрхэн чөлөөт цагаа музейд өнгөрөөдөг, хүүхдүүдэд шинжлэх ухааныг музейгээр дамжуулж хэрхэн танин мэдүүлж байна вэ гэдгийг биеэрээ үзэж мэдрэх завшаантай байгаа билээ. Энэ мэдэрсэн мэдрэмжээ эх орондоо мэдрүүлэх хэрэгтэй байна. Сэтгэгдэл (1) |
|
Дэлгэрэнгүйгээр...
|
|
|
.jpg "Image")
.jpg "Image")
